قصيدة للمرحوم -محمد السديري-

إلى ذواقة الشعر....اليكم هذه القصيدة الرائعه...للشاعر المرحوم

معالي الأمير محمد السديري

وهي رد على قصيدة الشاعر ..رشيد الزلآمي

وعسى ان ترضي اذواقكم.......


يا طير ياللي بالسما تنفض الريـش
ياللي تهز اطراف ريشـك خفافـي

ياللي نهضت الصبح وقت المغابي
قت ال صباح وكلاً ابصـر وشافـي

اعطيك سـراً مخزنـه بالنشانيـش
وانحر رشيد ولـك بـداره ملافـي

رشيد مـن ربـع عـداة مداغيـش
وصـل سلامـي للعديـم السنافـي

قله عرفت اهل القلوب المغاشيـش
ا للي عصوا باللـي ثمانـه رهافـي

زين الصباح منقـش الخـد تنقيـش
عين العنود اللـي تـرب الشعافـي

برقاً يفوتك لـو مزونـه مراهيـش
لا تستخيل امطـار سحـب مقافـي

العام قلت ازهم هل الخيل والجيـش
اهـل البيـوت موسعيـن الرفافـي

ليا غـدا فعـل المراجـل تناويـش
افعالهـم مثـل الفنـر بالكشـافـي

وقلوبهم للضيـف دايـم هشاهيـش
وعدوهـم سقـوه سمّـاً زعـافـي

دور مع الاجواد ضافي العكاريـش
وابعد عن اهل الكيد والستر ضافـي

رزقاً ورا الانذال جوع وعراميـش
والشرب منهـم يالزلامـي عيافـي

اجزم وشم واعرض وبعد عن الهيش
ما فيه كود الشوك مثـل الشلافـي

فيه العقـارب والافاعـي محانيـش
والفعل وسط قلوب الشرار خافـي

وليا عصوا مالـك بنجـد مهاويـش
شرعـاً وسيفـاً للشريعـه لحافـي

راحت سنين الخيل مع حزّب الجيش
وهـذي سنينـاً يالزلامـي عجافـي

رشيد اهل خلك ترى عندهم طيـش
يفرقون اهـل القلـوب الولافـي