انا عرفت من الرجال اشكالها من كل جيل ******* انا عرفت اطباعها ما عاد في شــــكي مجال
انا عرفت ان الجمال مايلمحه غير الجميـل ******* واللي على طبعه جميل عينه ترأ كل الجمال
والمرجلة ما تشترا ولا ثراها مســـــــتحيل ******* ولا فقر من شــــــالها ولا تجي من كثر مال
المرجله كلمة وفأ من عاشــها عاف البديل ******* ولا يعيف الـــــمرجله لو عافت الهيل الدلال
ولا تعمم شالها ولا اتشـــــــــــح فيها ذليل ******* ولا تصون المرجله إلا شـــــــياهين الرجال
وللي مع الجودة طويل يبقى مع الجودة طويل **** واللي طول لجل الريال يقصرعلى شان الريال
والنفس يبقى كنزها كـــــنز القناعة بالقليل ****** ان شــــحت الدنيا بها او ضاق مخزان الحلال
واللي عشق روس الجبال مايعجزه طول النقيل **** الرجل تخدم ســــــــــاقها والعزم هداد الجبال
والجود ميزان الجواد والشح محراب البخيل ***** واليد لاشـــــــــــقيتها تغني عن اذلال السؤال
والصاحب اللي يحقرك لاتتخذ منـه خليل ****** لا توثقه ســـــــــــــــيف الثقه يستلها قيلاً وقال
وان كان له عندك بقا اوكان في قلبك نزيل ****** احـسن تفارق مجلسه فضل على شمسه زوال
ابعد عن اشباه الرجال اللي مهاريها عويل ****** واللي مـــــهاريها عويل ما تحتمل شيل الثقال
خلك مع فعل الجميل واعطف على عابر سبيل ***** والنفس ما تشــــبع غواإلا من اكوام الرمال
لا يركنك وعد البخيل اللي يطفف مايكيل ****** ان كال لك كال القليل وان كلت له رام الكمال
واللي توكل بالجليل يعمل بتوفيق الجليل ******* واللي مشاريعه خيال يسكن على قصر الخيال
والصاحب اللي يحفضك لومال وقته مايميل ******* طبع الـــنفوس الطاهرة منهالها عذباً زلال
مثل الذهب يبقى اصيل طبع الأصاله بالأصيل ****** والشامخ اللي منتصب ماهزته ريح الشمال
منقووووووووول
الإثنين أغسطس 15 2011, 21:40
