والله لم اتذكر اسم الشاعر...
مع العلم ان القصيدة بغاية الروعه..
إليكم فأعيروني انتباهكم وإصغائكم..
وعسى ان تنال اعجابكم ...
هــــــــــذا وطـــــنــــــا
يــاالله يالـلـي مــن تـرجـاه مـاخـاب ***** ياسامـعـن مـنـهـو دعـــاه ولـجـالـه
ياللـي تـرد الغيـث مــن بـعـد مـاغـاب ***** وتقـيـل عـثـرات الـحـمـول الثـقـالـه
احفـظ وطـنـا مــن رديـيـن الأنـسـاب ***** واحفـظ ولاتـه مــن شــرور الحثـالـه
الـلـي فـآخـر وقــت عضوابـالأنـيـاب ***** وكـلـن عـلـى البـهـتـان زور مـقـالـه
ياشـلـة الـغـدر الحقيـقـي والإرهـــاب ***** يامنـبـع الـحـقـد الـدفـيـن ومـجـالـه
وياتـابـع الأذنــاب وأذنــاب الأذنـــاب ***** اسمـع سمـيـن العـلـم واتــرك هـزالـه
النـاس بـيـن اثنـيـن صــادق وكــذاب ***** والكـذب مــن مـبـداه تقـصـر حبـالـه
هــذا وطـنـا موقـعـه بـيـن الأهــداب ***** نـعـشـق ثـــراه ومـا نــدوِّر بـدالــه
عشق المحـب اللـي نحـوا عنـه الأحبـاب ***** ولا هو بـنـاسـيـهـم ولا هــو بــدالــه
نهيـم فـي عشقـه عـلـى كــل مـرقـاب ***** ونـشـرب صـفـا وده ونـرقـى جـبـالـه
عشـقـن يوحـدنـا بعيـديـن وأقـــراب ***** ويأخـذ مـن الـديـن الحنــيـف اكتمـالـه
ياعشقـنـا حــزت المفـاخـر والألـقـاب ***** بـوجـود بـيـت الله ومـهـد الـرسـالـه
ومسجـد رسولـه نـور مـن نـور ينسـاب ***** يـطـرد فـلـول الجـهـل ويـسـم حـالـه
هــذا وطـنــا ياكثـيـريـن الأنـشــاب ***** يــازارع الفتـنـه ضـــلال و سـفـالـه
هـذا الوطـن يصعـب علـى كـل نـصّـاب ***** يلـقـى دواء طيـشـه وعـلــة خـبـالـه
نهـوى وطـنـا دون مانحـسـب حـسـاب ***** ونعـشـق وطـنـا فــوق حــد الثمـالـه
نفديـه بـالأرواح مــع بــذل الأسـبـاب ***** حتـى الضنـيـن يـجـود ويبـيـح مـالـه
بصـدورنـا دونــه متـاريـس وحـجـاب ***** تحـفـظ مكاسيـبـه وتـحـمـي رمـالــه
نهنـا ونفـرح فـي وطـن عـز الأصحـاب ***** ويهنـا الـوطـن مــادام حـنـا رجـالـه
عيـدك سعيـدن ياوطـن نـلـت الإعـجـاب ***** ولبسـت مــن ثــوب المحـاسـن نبـالـه
تـمـت وصـلـوا ياكريمـيـن الأشـنــاب ***** عـلـى النـبـي وصحـبـه الـغـر وآلــه
..................................................................
الخميس ديسمبر 01 2011, 19:11
