ابو حسن
عضو متالق
العمل/الترفيه : الشعر
تاريخ التسجيل : 23/05/2009
 | موضوع: لما الدكتور يقول  الأربعاء يونيو 17 2009, 23:40 | |
| لما الدكتور يقول
" هاد المرض ما بيستنى معنا، لازم نعملو عملية فوراً"
يبقى قصده
لازم نلحق نعملك عملية، لأن لو استنينا رح يطيب المرض لوحده وتضيع علينا الفرصة!!
لما الدكتور يقول
" شو تاريخك المرضي؟!! "
بيكون قصده
بدي اعرف أسامي الدكاترة اللي كنت تروح لعندن، مشان أعرف انت دفيع ولا.....!!!!
لما الدكتور يقول
" استعمل الدوا هاد وتعا لعندي بعد بكرة "
يبقى قصده
هاد دوا لا بينفع ولا بيضر، تعا بعد يومين لبين ما أكون سألت حدا بيفهم!!
لما الدكتور يقول
" بشوفك بعد عشر أيام "
يبقى قصده
مشان تدفع معاينة جديدة، انت ما قريت شو مكتوب عالكرت "المراجعة مجانية خلال أسبوع"!!
لما الدكتور يقول
" عندي خبر مو كل هالشي كويس، وخبر حلو، عندك مرض خطير بس إذا ما ضيعنا وقت ممكن نلحقو ونعالجه "
يبقى قصده
الخبر الحلو اني أخيراً رح اشتري سيارة مرسيدس والخبر المو كل هالشي انك رح تدفع تمنا!!
لما الدكتور يقول
"نحنا رح نتابع تطورات الحاله أسبوع كمان قبل ما نعمل أى اجراء"
يبقى قصده
الصبر طيب يمكن البلوة هي تتحول لشغلة نعرف إلها علاج!!
لما الدكتور يقول
"انت محتاج تعمل شوية تحاليل"
يبقى قصده
من الآخر أنا ما عرفت شوعندك، يمكن الدب اللي بالمخبر يعرفو وينورني!!
لما الدكتور يقول
"اعمل التحاليل في المركز هاد، أنا بثق بالنتائج عندن"
بيكون قصدو
بيدفعولي عمولة 40% من تمن التحاليل!!
لما الدكتور بيقول:
" أنا رح احولك على أخصائي يشوف حالتك أحسن مني "
قصده:
انت صحتك متل الفل بس الزلمة هاد مزنوق على قرشين وواجب ننفعه!!
لما الدكتور يقول
"الدوا هاد ممتاز جداً مع انه غالي شوي، بس احسن من البديل الرخيص اللي صارغير فعال"
يبقى قصده
مندوب دعاية الشركة هلق طلع من عندي وعطاني شنطة دعاية جلد بتجنن | |
|
سديم
مشرف عام
العمل/الترفيه : بائعة كبريت
تاريخ التسجيل : 02/12/2008
| |
غزل
عضو ذهبي
العمل/الترفيه : كوافيرة
تاريخ التسجيل : 28/02/2009
| | موضوع: رد: لما الدكتور يقول الخميس يونيو 18 2009, 08:48 | |
| هههههههههههه انا يا حرام مشحشطه عند الدكتور بمرض كثير بس مشكور ابو حسن لانك نورتني واسه فهمتني شو معنات مصطلحاتهن هاي.....  | |
|
ابو كمال
نائب المدير
تاريخ التسجيل : 02/12/2008
| | موضوع: رد: لما الدكتور يقول الخميس يونيو 18 2009, 09:37 | |
| والله يا بو حسن حبكي الي هي
نشالله ما تكون زايرن لانو حبكتك مبين انو حافظ الدكاترة عن غيب | |
|
ابو سلوان
المدير
العمل/الترفيه : فرع المحروقات
تاريخ التسجيل : 04/12/2008
| | موضوع: رد: لما الدكتور يقول الخميس يونيو 18 2009, 16:00 | |
| الحمد لله خيي ابو حسن وصلنا لزمن الجزارين او اللحامين لانهم بيلبسوا نفس الدكاترة بس الفرق بالمادة اللي بيتعاملوا فيها
هذا حيوانات وهذاك بشر و2 نفس الشي بالنسبة الهن
حيك ابو حسن والله هذا الموضوع شاغل الساحه عندي | |
|
ابو حسن
عضو متالق
العمل/الترفيه : الشعر
تاريخ التسجيل : 23/05/2009
| | موضوع: رد: لما الدكتور يقول الجمعة يونيو 19 2009, 23:31 | |
| الغوالي سديم 0 غزل 0 ابو كمال
الله يسعدكم ويبعدكم عن الأطباء ودوماً تكون صحتكم بخير
أشكركم على المرور الجميل
دمتم بخير | |
|
