يمين الله لكتب لك قصيده

________________________________________


يمين الله لكتب لك قصيده
قوافيها جواهر في جواهر
وأمحي الشعر من أول واعيده
وأفني العشق ثم احييه شاعر
واخلي الليل في عينك عقيده
نجومه لك يشيّدها منابر
يصلي تحت ظلك في الشديده
وينحر تحت رجليكي المناحر
فزيده من دلالك لو تزيده
كفاه من فتنتك ما عاد قادر
فكم ياناس تسهر له وَجيده
وهو في ليل عينك بات ساهر
فهمس الفجر يعزف لك نشيده
ونور الصبح في خدك سماهر
شواطي العطر بيد الي تبيده
وموج البحر في نبضك مسافر
نبيذ المسك شلالك وريده
وعقد الفل في نحرك مزاهر
وسيد الحسن قد باع لك عبيده
وأمسى في هواه مجنون كافر
وسلطان الحلا اهداك غيده
تعربد بين خمراته معاقر
غديت للكل يا سيدي بسيده
إذا تامر فكل الكل حاضر
معالي العز ما غيرك حفيده
وبعد الله ما يأمرك آمر
وسحر الذات ما غيرك عميده
وأطيب قلب لك ربي بفاطر
عيونك يالندى صحرا مديده
وطرفك مثلما مخلب بكاسر
وصيّادك غدى لك هو طريده
يمنّيّ النفس لو عنك يهاجر
وطرفك فيه مس(ن) ما تفيده
مكاوي الجمر أو لف المباخر
ولا قيد(ن) يلمّه فوق أيده
ولو صايم وشافك صار فاطر
رسايل شوق يهملها بريده
ونبرة صوت تحسدها الحناجر
يمين الله لكتب لك قصيده
معانيها جواهر في جواهر