الي وصلونا للمشاكل مين هلق بقلك مين يا خيي....
البلوه مش من ولاد مختلفين البلوه بزمان الاختيلريه ...
بالرغم مشابو متل صنين ضلو بعقليه انانيه...
ورثو هالشعبنا المسكين متل حقل بتورته الحيه....
كل شي حدث تغيير بالتكوين ضل بمصيبه مثل ماهيه
مدري حملنا عيون عميانين مدري مبدنا نقشع سويه
شوفي الي كانو من البدائيين دابو مع التغيير غنيه
شوفو العبيد اليوم مرتاحين وملو الدني رايات حريه...
شوفو شو عملت بالغرب برلين ولو شعبها من دون حنيه
تتقابل الحلوين بالحلوين هدت جدار من العبوديه
شوفو اوروبا بطلت التسعين فتحت الشرقيه عغربيه
عيبه علينا نضل مقسومين ونحكي بغربيه وبشرقيه
وشوفو كمتن بعالم التمدين شو تغيرت قوانين دوليه
ونحن بدل منغير قوانين منغير كرافات يوميه
يا هل ترى عامين متكلين علي ادعو بالديمقراطيه
بيقدمو عشره للمساكين وباكلو تسعين بالميه
لك عامين متكلين عدكاكين خلوك يا وطن يا بيي
موزع متل ركوه على فناجين قهوه عنار الموت مغليه.....
هههههههه اختي سديم هذا مو تحامل بالعكس هي ردت فعل لوجع جواتي وحرقه على اخواني العرب يلي مغتربين عن الوطن وعن الاهل والحسره بقلوبهن لحتى يقدرو يبنو مستقبل لالهن على حساب دموع اهاتهن ولوعه اخواتهن وابنائهن ,انا بنظر للوضع يلي شايفته بالجولان كيف الام والابن بيناتهن عدة امتار مو قادره تحضن ابنها ويلي بيفرق بينهن شريط مو اكثر الوضع جدا جدا مؤلم لما يمر عيد الام والاولاد ما يقدرو يحضنو امهاتهن او يعايدوهن والسبب الغربه المره او شوف اقارب مو قادرين يشاركو اقربائهن بحزن او فرح ....شو ممكن الشعور يكون بهيك يا خيتو التحامل مو خطيه لما نشوف انه الساده الرؤساء مهتمين بالمناصب والزعامه واخر همهن الشعب واليلي مارر على الشعب....