جريمه سويتها وانت صغير

الموضوع مثل ماانتوا شايفين ..

جريمة عملتها في صغرك أو جريمه سويتها وانت صغير

لا احد يقول ماسويت شي
عارف أن حياتنا كلها جرايم

فتعالوا هنا واكتبوا لنا وش الجريمه اللي سويتوها وانتم صغار

مضاربة مع ولد جيرانكم أوبنت جيرانكم

سرقت عيديته

نتفت شعر أختك

فلقت راس أخوك بالكاس

المهم اي نوع من الجرايم سويتها

دعوه مني لجميع الأعضاء للمشاركه في هذه الجرائم سواء بنات او اولاد

خلونا نشوف مين أكبر مجرم في المنتدى

يا سدي انا رح كون اول واحد من زمان يعني يوم كنت صغير

هذا القصة صارة بيوم عيد الاضحى باول يوم

كنت بدي فرد كبسون هذا هلي بيطلعو صوت ونار واهلي ما رضيو عشان قال ممكن يسبب اذية لحد من الاود او

اذية لي يعني صارو يقولو ممكن تروح عينك واو عين حد من رفقاتك

شوبدكم بيطول سيرية

مضي اليوم الاول بدون فائدة يعني ماشترية واليوم الثاني كمان

بس بل اليوم الثاني عملت شغلي بس ماتخبرو حد شفطا 100 ليرة سوري من جيبت الوالد وكان الفرد يومها 10 ليرة سوري

ورحت اشتريت عشرة من النوعية هذه مع المخزون بتاعها

بس طلعت على السطح بل اليوم الثالث وعينك وتشوف غير النور عم يضوي وبعدين كنت مخبي شوية مفرقعات وعلقة يا معلم

وهذا الكلام كان الساعة 1 بليل تقريبا كل العالم نايمي ونا لوحدي عم يعيد باليوم الثالث

وسلامتكم وجميعا

بسم الله الرحمن الرحيم

طبعا عادتا في ايام الصغر كل يوم لازم يمر على الطفل جرايم من هذه النوع

خناق مع ابن الجران مع اخو كسر شي خرب شي

بس اني جريمتي من نوع مختلف

كان والدي مدخن واني لازم اطلع متل والدي مدخن

وبدات بسرقت الدخان من عند الوالد بدء يحس الوالد انو علبة الدخان عم تنقص

مره اجا على بالي السيكاره وكان الوالد نايم والعلبه قبالو خفت يحس رحت جبت مقص كانت عادتي ببسرقت الدخان وسحبت السيكاره من العلبه

شافني واني عم اسرق االسيكاره تركني فرحت لورا البيت عنا لواح اترنيتت تخبيت وراهم وبلشت ذب يا معلم كنت صف خامس

واني عم ذب بالسيكاره اجا الوالد وكمشني وصلخني قتلي من يلي بحبن قليك

بس فادتني الشغلي كثير وطلعت حريف دخان واني كبير

خيي اندريان انت ليش ما خبرتنا عن جرايمك مش راح نقول لحدا وشوشني لشوف

تحياتي للجميع

ههههههههههه مش قليله يا شباب يلا يلا طلعو البلاوي يلي مخبينها ......

انا كنت كثير هاديه ومومشكلجيه بالمره وقنوعه يلي بيعطوني يا اقبل قيه وانا مبسوطه
بس مره كان عمري 9 سنين ومرت خيي خلتني مع بنتها الصغيره عمرها 3 اشهر
فوصتني ما احملها بس لاعبها وهي بسريرها واذا بكيت حطلها اللهاي وناديها
فانا شفت البنت نامت قمت صرت افتحلها عينيها لحتى تفيق ولاعبها ما قامت النت قمت شلتها من التخت
وبس سمعت صوت مشي مرت خيي خفت تصرخ علي رميت البنت على الارض وفليت على البيت
والبنت اترضرضت من الوقعه وازرق جبينها لانه اجى على حفت التخت
بس منيومها ما خلوني قرب عليها وحدي ما بعرف ليش
جريمه سويتها وانت صغير 17

اخي وحبيبي داني

مرورك كنسيم والجريمة الي اعملتها من اخطر الجرائم

لانها كان ممكن اتادي الى اذى كبير ما كان متوقع

بس الحمداللة اجت على خير

مشكور اخي على اهتمامك بلموضوع

بل اخير رح نعرف مين اكبر مجرم فلمنتدى

اخي وحبيبي الجوهري
الجريمة الي اعملتها ما رح انعاقبك عليها لان اغلب الاعضاء
حسب اعتقادي عملوها بس الجريمة الي اكبر الي اعملتها ولها عقاب وحساب عسير
هية السرقة السكارة او الدخان
بس بل اخير رح نعرف مين اكبر مجرم في المنتدى
اللة يسطر مين رح يطلع

اخت غزل
واللة شغلتك مو هينة ومن النوع الخطير ولها عقاب من الدرجة الاولى
بس رح نتهاون معاكي على صغر سنك وعلى قلت المسؤولية
انشاللة البنت ما صرلها شي
بس يا غزل رح نعرف مين اكبر مجرم في المنتدى
مشكورة على مرورك الرائع والمميز

مما سلف هذه ليست جرائم اخوتنا الاعزاء بل هذه هي ترانيم تعزفها الحياة الطفولية ولكن بمقامات مختلفة والطفل لا يرتكب الجرائم بل الجنح ولا لا يا محامينا
رح شارككم ايضا" سعري بسعركم
لما كنا صغار انا وولاد عمي كنا كثير اشقياء فكنا نطل على الكروم برا البلد وكان في كرم زارع فيه صاحبو جرنك وكرز وما حدا" منا كان زارعين اهلو هيك فميلنا عليه لناكل منو والصدفه كانت انو صاحب الكرم متخبيلنا فقام صيح علينا ومن الخوف نحنا انهزمنا بس في واحد من اولاد عمي كان واقف على حيط من طرقتين قام وقع بين الطرقتين ووقع عليه الحيط وما انتبهلو الزلمي ورجعنا عليه بعد ساعتين لا قيناه بعدو بين الحيطين وعبيبكي

ما كنت لأنسى تلك العهودا مرت كحلم ولن تعودا

انا بصراحه عندي نهفات كتير
ومشاغبة جدا حت بايام الدراسة
بس في شغله ما بتروح من بالي
بالزمناااات Laughing

وانا صغيرة واكيد بعدني صغيرة Wink

كنت انا ورفيقي جنب بيتهن اجا في بالنا نوكل فريكة
عملنا موقده صغيرة ورحنا على الحقل بعيد شوي عن البيت
كل مره نجيب معنا ضمة ونشويها عالموقده
يخلصوا نطمع نرجع ونجيب
آخر شي ونحنا بالحقلة قلتله لرفيقي بتعرف البيت بعيد بلاش كل مره نروح ونيجي تعال نحرق
ونوكل قد ما فينا لنشبع
قامت محسوبتكم مع انها بتحب الحريق ولعت كل الحصيدة Wink

واخذت النار فيه اكلنا لشبعنا وما كفينا هيك من الشحبار حبينا نعمل شوارب ودقن
صرنا نرسم على وجوهنا
ورحنا ركض على بيوتنا نتقاتل عالمراية مين بده يشوف حاله اول قمت كسرت المراية
وهات ركض عالبيت احسن من امه لتضربني
ما لحقت وصلت البيت إلا الفسده صارت واصله قبلي
وهات يا قتل قياما قعودا
واهلي ما رضو إلا يعوضو صحابين الحصيدة

وغيرها اكيد في كتير

مع حبي
سديم

بس يا اخوتي انا ما عم دافع عن نفسي او عم كبر من الجريمة هلي عملتها

بس والله لشوفتو كيف كنت عم شغل الصواريخ والمفرقعات

يعني بس بدي قول ان دوالب كتشوك تبع ترك دوالب الصغير للفرات 70 كان شعلان مع شوية جرايد يعني النار كانت اقوى من اي شيء

مشكورين

اخي وحبيبي ابو سلوان
لمعلوماتك وانت سيد العارفين مشاكل الاطفال غالبآ تكون اخطر من جرائم الكبار
ومثال على ذلك لم تسمع طفل في سن 3 او4 سنوات صف الحضانة ضرب طفل اخر في قلم
وقلع عينو وهذة بحد ذاتة جريمةولكن اغلب الاحيان نعتبر الاطفال ابرياء
حبيبي ابو سلوان.. امبين انك كنت شقي في سن الطفولة ومشكلتك واللة كبيرة وما ابينغفر لهاوانا لاحظت انو اغلب
الاعضاء جرائمهم السرقة
المحكمة اتية وقريبآ ورح نعرف مين ااكبر مجرم في المنتدى
مشكور حبيبي ولغالي على قلبي مرورك زاد رونق وجمال

اخي وحبيبي اندريان

اول شيء تفضل بقول جريمتك

وثاني شيء يجب تحديد عناصر المحكمة من قاضي الى محامي الى مستشارين الى عضو النيابة العامة

وايظا اجعلوها على النظام الغربي لجنة المجلفين .................... قصدي المحلفين هههههه

مشكورين

اختي الغالية سديم

امبين انو كنتي شقية ومشاغبة ولكن هذة لا تعد جريمة ولاكن فيها روح الدعابة والمرح

ولكن اللعب بنار فيها بعض الخطورة. على الاطفال كما ذكرتي

يا ريت لو في صورة لائلك وانتي عاملي شوارب اودقن من الشحار عشان انشوفها ههههههههه

مرورك زاد رونق وجمال وعبق الياسمين

بس رح نعرف مين اكبر مجرم في المنتدى

المحكمة اتية

اخي وحبيبي داني
صدقت. سوف اعين قاضي للمحكمة وانا ساكون المحامي عن الاعضاء اجمع
اذا وافقتم على ذلك واذا كان في اعتراض انا اوعين سديم المحامية عن المتهمين
انا اخر عضو سوف يضع المساهمة والمشاركة والقاضي سيحكم
ومن عندي انا اعين ابو سلوان القاضي المكلف للمحكمة
شكرا اخي داني على اهتمامك وتصفحك للقضية
بس ما تطلع انتي لمجرم الحقيقي

اخي وحبيبي اندريان مشكور للثقة العالية بترشيحي لهذا المنصب ولكن على من ساحكم على اخوتي واصدقائي
بس وينك رح حاكمهم معليش

مشكور وقرب وقت المحكمة يا شباب

خيي وحبيبي ابو سلوان.. امبين انو ما في حدا في المنتدى فاهم شي
ما عدى احنا الضاهر انو امعيدين الاعضاء
يلة مو مشكلة

» ( لماذا اخطاء الشباب طيش واخطاء البنات جريمه لا تغتفر)
» الاخ اسامة نصر كل عام وانت بخير
» الاخ الغالي ابو دعام كل عام وانت بخير
» الاخ الغالي ابو محمد كل عام وانت بخير
» اختنا الغالية ريانة كل عام وانت بالف خير